မင်္ဂလာပါ!

လှိုက်လှဲစွာကြိုဆိုပါသည်။ ယခု ပထမဆုံးအကြိမ် ရောက်ဖူးခြင်းဖြစ်ပါသလား? ဝင်ရောက် ဆွေးနွေး မေးမြန်းလိုပါလျှင် အောက်တွင်ဖော်ပြထားသော button များမှတဆင့် ဝင်ရောက် ဆွေးနွေးနိုင်သကဲ့သို့ အဖွဲ့ဝင်အသစ်အနေဖြင့်လည်း လျှောက်ထားနိုင်ပါတယ်။

MYSTERY ZILLION တွင် English သို့မဟုတ် Unicode ဖြင့်သာ အသုံးပြုခွင့်ရှိသည်။ ဇော်ဂျီ ၊ ဧရာ စသည်တို့ကို အသုံးပြုခွင့် မရှိ။ Unicode fonts များမှာ Mon3,Yunghkio, Myanamr3 စသည်များ အသုံးပြုနိုင်သည်။ Unicode Guide ကို ဒီမှာ Download ချပါ။ Zawgyi to Unicode Converter
Don't share ebook or software if nobody request. You can find free book websites on here. We are welcome for discussion or asking question instead.

Image Verify

edited October 2008 in PHP
အင်တာနက်စသုံးကာစက image verify ဘာကြောင့်လုပ်ရတယ်ဆိုတာကို ကောင်းကောင်းနားမလည်ဘူး။ သူငယ်ချင်းတစ်ယောက်ဆိုရင် သူ့မျက်စိကောင်းမကောင်း စစ်တဲ့အနေနဲ့ ထည့်ထားတာလားလို့တောင် ကျွန်တော့်ကို မေးဘူးတယ်။ အခုတလော MZ မှာ ပြသနာတွေ ကြုံတော့မှ ကောင်းကောင်း နားလည်တော့တယ်။

Image Verify ဘာကြောင့်လုပ်ရလဲ။
အဓိက bot ရန်က ကာကွယ်ချင်လို့ပါ။ bot တွေဆိုတာကတော့ လူက ဖန်တီးထားတဲ့ program တစ်ခုပါ။ သူက အလိုအလျောက် site တစ်ခုမှာ register လုပ်မယ်။ ပြီးအဲဒီ site မှာ ကြော်ငြာတွေ အလိုအလျောက်တင်သွားမယ်။ ဒါမှမဟုတ် ညစ်ညမ်းပုံတွေ တင်သွားမယ်ပေါ့။ အဲလိုလုပ်ခွင့်မရှိအောင် register လုပ်တဲ့နေရာမှာ image verify လုပ်ထားတာပါ။ bot ဆိုရင်တော့ အဲဒီ image က ပေါ်တဲ့စာကို မဖတ်နိုင်တော့ဘူးလေ။ ဒါကြောင့် ပုံနဲ့ စာတွေကို ဖော်ပြထားရတာပေါ့။ လူကသာ အဲဒီ ပုံက စာကို ဖတ်နိုင်တာပေါ့။ အထူးသဖြင့် forum တွေ blog တွေမှာ image verify ထည့်ထားရတယ်။ နောက်ပြီး comment ရေးတဲ့နေရာတွေမှာလည်း လုံခြုံရေးအရ image verify လုပ်ရတာလေးတွေရှိလာရတာပါ။ အဓိကအားဖြင့်တော့ bot အန္တရာယ်ကို ကာကွယ်ဖို့ပါ။


Image Verify ကို ဘာလို့ ဖတ်ရခက်အောင်လုပ်ထားရတာလဲ။

နည်းပညာတွေမြင့်မားလာတာနဲ့ အမျှ bot တွေကလည်း အဆင့်မြှင့်လာတယ်ဗျ။ image ကို OCR နဲ့ တဆင့်ဖတ်ပြီး form တွေကို ဖြည့်နိုင်စွမ်းရှိလာတယ်။ ဒီတော့ OCR နဲ့လွယ်လွယ်ဖတ်မရအောင်လုပ်ဖို့လိုလာပြီ။ ဒါကြောင့် image တွေက ရွေ့စောင်းနေမယ်။ အရောင်တွေ ရောနေမယ်။ background က ရှုပ်ပွနေပြီး စာသားကို color စုံနဲ့ရေးထားမယ်။ စာတစ်လုံးနဲ့ တစ်လုံး font မတူအောင် လုပ်ထားရတယ်။ ဒါဆိုရင်တော့ OCR နဲ့ဖတ်မရတော့ဘူးလေ။ ဒါကြောင့် image verify က ချက်ခြင်း ကြည့်ရုံနဲ့ ဖတ်မရတာပေါ့။


Image Verify ကိုဘယ်လိုရေးလဲ။

ကျွန်တော်က PHP သမားဖြစ်တဲ့အတွက်ကြောင့် PHP နဲ့ရေးထားတဲ့ code လေးကို ဒီမှာ ဆွဲချလိုက်ပါ။ လွယ်လွယ်လေးပါပဲ။ code လေးကို ဖတ်ကြည့်တာနဲ့ ဘယ်လိုရေးထားလဲဆိုတာ သိနိုင်တယ်လေ။ မသိဘူးဆိုရင်တောင် index.php မှာ
echo вЂValid’;
ဆိုတဲ့ နေရာမှာ စိတ်ကြိုက် ကိုယ်လိုအပ်တဲ့ code ကိုထည့်သွင်းရေးသားနိုင်တယ်။ အဲ… အဲဒီ code က ကျွန်တော်ရေးထားတာတော့ မဟုတ်ဘူး။ google ကနေရှာပြီး တွေ့လာတာနော်။ ကျွန်တော်က သူပြောထားတဲ့အတိုင်း အဆင့်ဆင့်လုပ်ပြီး package ပြန်လုပ်ပေးထားတာပဲရှိတာ။


Image Verify နဲ့လုံခြုံမှုရှိလား

register လုပ်တဲ့အပိုင်းတွေမှာတော့ password ကို md5 encryption နဲ့သိမ်းတာအပြင် email confirm တွေပါ ထည့်သွင်းကြပါတယ်။ email confrim က အရေးကြီးပါတယ်။ bot တွေ အများစုက email မရှိပဲနဲ့ register လုပ်ကြပါတယ်။ သူတို့တွေက email ကို စာရင်းလုပ်ထားပြီးတော့ random ခေါက်ပြီးထည့်ပေးတတ်ပါတယ်။ ဒါကြောင့် email confirm က email တကယ်ရှိတဲ့ လူတွေမှသာ confirm လုပ်နိုင်မှာပါ။

မှတ်ချက်များ

  • emoemo
    edited October 2008 Registered Users
    header("Cache-Control: no-store, no-cache, must-revalidate");
    header("Cache-Control: post-check=0, pre-check=0", false);
    header("Pragma: no-cache");
    header('Content-type: image/jpeg');
    imagejpeg($image);
    imagedestroy($image);

    လက်ရှိ header ရဲ့ အပေါ်မှာ cache မသိမ်း တဲ့ code တွေထည့်ထားရင် ပိုကောင်းမယ်ထင်တယ်..
Sign In or Register to comment.