မင်္ဂလာပါ!

လှိုက်လှဲစွာကြိုဆိုပါသည်။ ယခု ပထမဆုံးအကြိမ် ရောက်ဖူးခြင်းဖြစ်ပါသလား? ဝင်ရောက် ဆွေးနွေး မေးမြန်းလိုပါလျှင် အောက်တွင်ဖော်ပြထားသော button များမှတဆင့် ဝင်ရောက် ဆွေးနွေးနိုင်သကဲ့သို့ အဖွဲ့ဝင်အသစ်အနေဖြင့်လည်း လျှောက်ထားနိုင်ပါတယ်။

MYSTERY ZILLION တွင် English သို့မဟုတ် Unicode ဖြင့်သာ အသုံးပြုခွင့်ရှိသည်။ ဇော်ဂျီ ၊ ဧရာ စသည်တို့ကို အသုံးပြုခွင့် မရှိ။ Unicode fonts များမှာ Mon3,Yunghkio, Myanamr3 စသည်များ အသုံးပြုနိုင်သည်။ Unicode Guide ကို ဒီမှာ Download ချပါ။ Zawgyi to Unicode Converter
Don't share ebook or software if nobody request. You can find free book websites on here. We are welcome for discussion or asking question instead.

အင်တာနက် ကောင်းမွန်တိုးတက်ရေး - ၁

edited May 2011 in My Article
လူ့စကား
လူဆိုရင် လူလိုပြောလို့ ရသင့်သည်။ အခုတော့ လူများဖြင့်ဖွဲ့စည်းထားသော အဖွဲ့အစည်းတစ်ခုဖြစ်ပါလျက်နဲ့ လူလိုပြောလို့မရတာကတော့ စိတ်ပျက်စရာကောင်းလှသည်။ အသနားခံသည့်သဘောဖြင့် တောင်းဆိုနေကြသည်ကို နားမထောင် . . .။ အကျိုးသင့် အကြောင်းသင့် ရှင်းပြနေကြသည်ကို နားမဝင် . . .။ ပညာရှင်ဆန်ဆန် ထိခိုက်နစ်နာမှုများဖြင့် ပြောဆိုထောက်ပြသည်ကို လက်မခံ . . .။ ဘယ်သူစကားမှ ဂရုမစိုက် . . .။ သူတို့လုပ်ချင်တာကိုသာ စွတ်လုပ်နေကြသည်။

စျေးကြီးလွန်းပြီး ဝန်ဆောင်မှုက ညံ့ဖျင်းလွန်းတယ်
စင်ကာပူနိုင်ငံတွင် 30 Mb/s ရှိသည့် Internet လိုင်းတစ်လိုင်းကို S$ 70 လောက်သာ လစဉ်ကြေးအဖြစ် ပေးသွင်းရသည်။ အဲဒီနှုန်းအတိုင်းသာ တွက်ချက်မည်ဆိုလျှင် 512 kb/s လိုင်းတစ်လိုင်းအတွက် လစဉ်းကြေးမှာ စင်ကာပူဒေါ်လာ ၁ ဒေါ်လာစွန်းစွန်းမျှသာကုန်မည် ဖြစ်သည်။ မြန်မာကျပ်ငွေဖြင့်တွက်လျင် ၁၀၀၀ ကျပ်ပင်မပြည့်ပါ။ 1 FEC ဝန်းကျင်သာ . . .။ စဉ်းစားကြည့်လျင် Internet ဆိုသောအရာသည် ခြင်္သေ့တစ်ကောင် (ငွေတစ်ထောင်) နဲ့ 512 kb/s ကို တစ်လလုံးလုံး အဆက်မပြတ်သုံးလို့ရတဲ့အရာပင် . . .။ သို့သော် မြန်မာနိုင်ငံတွင် RED LINK မှ ကောက်ခံနေသော လစဉ်ကြေးမှာ FEC 130 ဖြစ်သည်။ MPT ကတော့ နည်းနည်းသက်သာသည်။ စဉ်းစားကြည့်လျင် မတရားသဖြင့် ကောက်ခံနေသည့် နှုန်းထားများပင် . . .။ ဤကဲ့သို့ ကြီးမားသောနှုန်းထားဖြင့်ကောက်ခံနေသော်လည်း သတ်မှတ်ထားသော Bandwidth ကို ပြည့်မီစွာ မရရှိပေ။ 512 kb/s ဆိုလျင် 512 kb/s ဘယ်တော့မှ အပြည့်မရ။ ညနေပိုင်း လူသုံးများချိန်ဆိုလျင် လုံးဝသုံးမရသည့်အချိန်များပင် ရှိသည်။

မျက်နှာကတော့ ပြောင်ပြောင်ပဲ
Social Network များ Blog များ Forum များနှင့် ဂျာနယ်၊ မဂ္ဂဇင်းများတွင် မြန်မာနိုင်ငံ Internet connection နှေးကွေးလေးလံမှုများနှင့် ပတ်သက်၍ အမျိုးမျိုးဝေဖန်၊ သရော်မှုများရှိနေကြသော်လည်း MPT နှင့် သူ၏ပါတနာများသည် မျက်နှာပြောင်တိုက်ရင်း အရှက်မရှသော သူတို့ကြော်ငြာများကို ဆကလက်ကြော်ငြာလျက်ရှိသည်။ Internet နှေးကွေးပြတ်တောက်မှုအတွက် User များထံ တောင်းပန်မှုများကို နောက်ပိုင်းတွင် လုံးဝမပြုတော့ပေ။ ထို့နည်းတူ CDMA 800 MHz တွင် 2 to 3 Mb/s ရရှိနေရာမှ 64 kb/s သို႔ လျော့ချကန့်သတ်ခဲ့သော်လည်း Internet အသုံးပြုခကိုမှု ပြင်ဆင်ပေးမှုမရှိဘဲ တစ်မိနစ် ၄ ကျပ်နှုန်းဖြင့်သာ အရှက်မရှိ ဆက်လက်ကောက်ခံနေခဲ့သည်။ လျော့ချလိုက်ခြင်းနှင့်ပတ်သက်ပြီးလည်း အသုံးပြုသူများထံသို့ မည့်သည့်အကြောင်းကြားခြင်းကိုမျှ တရားဝင်မပြုလုပ်ခဲ့ပေ။ ထိုကဲ့သို့သော လုပ်ရပ်မျိုးကို မည်သည့်နိုင်ငံတွင်မှ ပြုလုပ်ခွင့်ရှိမည်မဟုတ်ပါ။

ဘာကြောင့်ဒီလိုဖြစ်နေရတာလဲ
ဘာကြောင့် အင်တာနက်လိုင်းတွေ ဒီလိုဖြစ်နေရတာလဲ။ ဖြစ်နိုင်ချေအရှိဆုံး နံပတ် (၁) အချက်ကတော့ နိုင်ငံရေးနှင့်ဆိုင်သောသတင်းများနှင့် အစိုးရ၏ လျှိုဝှက်ချက်များ ပြည်ပသို့ရေရက်ရှိမည်ကို ကာကွယ်လိုသည့် သဘောဖြင့် အင်တာနက်လိုင်းများ ကောင်းမွန်မြန်ဆန်အောင် တိုးချဲစွမ်းဆောင်ခွင့် မပြုခြင်းဖြစ်သည်။ ထို့ကြောင့် ISP များ ထပ်မံတည်ဆောက်ခွင့်မပေးဘဲ အစိုးရမှ ချုပ်ကိုင်ထားခြင်း စသည့်အချက်များကို ကြည့်ခြင်းဖြင့် သိရှိနိုင်သည်။ ထို့ပြင် PAC များပေါ် တင်းကျပ်သော ဥပဒေများထားရှိခြင်းနှင့် User များ၏ Privacy ကို ပေါ်ပေါ်တင်တင်ချိုးဖောက်ကာ နိုင်ငံရေးနှင့်ပတ်သက်မှုများကို စစ်ဆေးရန် အပြင်းအထန် ကြိုးစားနေသည်များကိုလည်း ထောက်ဆခြင်းဖြင့် သိရှိနိုင်သည်။ နံပတ် (၂) အချက်ကတော့ ရှင်းပါသည်။ လုပ်သမျှကို ခေါင်းငုံ့ခံတတ်သောမြန်မာ့အကျင့်ကို MPT မှလူများ ကောင်းကောင်းသိနေသောကြောင့်ပင် . . .။ နံပတ် (၃) အချက်ကတော့ စျေးကွက်၌ လွတ်လပ်စွာပြိုင်ဆိုင်ခွင့်ရှိသူ မရှိခြင်းကြောင့်ဖြစ်သည်။ နံပတ် (၁) အချက်နှင့် ဆက်နွယ်နေပြန်သည်။

<a href="http://www.mysteryzillion.org/discussion/10226/အင်တာနက်-ကောင်းမွန်တိုးတက်ရေး-၂">အပိုင်း ၂ သို့</a>
Tagged:
Sign In or Register to comment.